මාතර රාහුල විදුහල් කණ්ඩායම අඛණ්ඩව සිව්වෙනි වරටත් මාතර ශාන්ත තෝමස් කුමර විදුහල සමග පැවති වාර්ෂික පාපන්දු තරගයේ ජය වාර්තා කළේය.
රාත්‍රී තරගයක් වශයෙන් එය මාතර උයන්වත්ත පාපන්දු ක්‍රීඩාංගණයේදි ඊයේ පැවැත්විය.
Saturday, July 17, 2010
අඛණ්ඩව සිව්වෙනි වරටත් රන් දද සටනේ ජය රාහුල විදුහලට
මාතර රාහුල විදුහල් කණ්ඩායම අඛණ්ඩව සිව්වෙනි වරටත් මාතර ශාන්ත තෝමස් කුමර විදුහල සමග පැවති වාර්ෂික පාපන්දු තරගයේ ජය වාර්තා කළේය.
රාත්‍රී තරගයක් වශයෙන් එය මාතර උයන්වත්ත පාපන්දු ක්‍රීඩාංගණයේදි ඊයේ පැවැත්විය.
මහනුවර ඇසළ පෙරහැර 10 දා ඇරඹෙයි (අද දෙරණ ඇසුරිනි)
මහනුවර ඇසළ පෙරහැර මංගල්‍යය ලබන අගෝස්තු 10 වැනිදා ආරම්භ වන බව දියවඩන නිලමේ ප්‍රදීප් නිලංග දෑල මහතා පවසයි.
එදින කප් සිටුවීමෙන් ආරම්භ වන පෙරහැර මංගල්‍යය අගෝස්තු මස 25 වැනිදා දක්වා පැවැත්වීමට නියමිත බව මහනුවර දළඳා මාළිගාව පරිශ්‍රයේ දී මාධ්‍ය ආයතන ප්‍රධානීන් සමග පැවති සාකච්ඡාවකට සහභාගී වෙමින් දියවඩන නිලමේ ප්‍රදීප් නිලංග දෑල මහතා කියා සිටියේය.
ප්‍රථමවරට ශ්‍රි ලංකාවේ රත්‍රං වලින් ස්වර්ණාභරණ
මෙරටින් සොයාගත් රත්‍රං යොදා ස්වර්ණාභරණ නිෂ්පාදනය ආරම්භ කර තිබේ.
ජාතික මැණික් හා ස්වර්ණාභරණ අධිකාරියේ සභාපති අනිල් කොස්වත්ත මහතා සදහන් කළේ පළමු අදියරේදී නුවරඑළිය සාමිමලේ ප්‍රදේශයෙන් වෙන්කරගත් රත්‍රං යොදා එම නිෂ්පාදන කටයුතු සිදුකරන බවය.
ප්‍රවීන ලේඛක ජයසේන ජයකොඩි අභාවප්‍රාප්ත වෙයි
ප්‍රවීන ලේඛක ජයසේන ජයකොඩි මහතා අභාවප්‍රාප්ත විය. 1935 දෙසැම්බර් 17 වන දින පවුලේ පස්වන දරුවා ලෙස හොරණ කහටපිටියේදී උපන් ඒ මහතා කහටපිටිය බෞද්ධ මිශ්‍ර පාසලෙන් සහ හොරණ විද්‍යාරත්න විද්‍යාලයෙන් අධ්‍යාපනය ලැබීය. රාජ්‍ය සාහිත්‍ය සම්මානයෙන් තෙවරක් පිදුම් ලබා ඇති ජයකොඩි මහතා අස්වැන්න, අමාවැස්ස, සුදු වළාකුළු, රයිගම් පුත්තු, අඹු දරුවෝ, අරලිය මල් ආරාමය, මහමෙර, උපේකා, පින්කෙත, සිල් සුවඳ ඇතුළු ග්‍රන්ථ රැසක් රචනා කළේය.
නීල් බූනේ ආයෙමත් එයි
එක්සත් ජාතීන්ගේ සංවිධානයේ ශ්‍රී ලංකා කාර්යාලයේ ප්‍රධානී නීල් බූනේ මහතා ලබන සති‍යේ දී යළි ශ්‍රී ලංකාවට පැමිණීමට නියමිතව තිබේ. එක්සත් ජාතීන්ගේ සංවිධානයේ දෛනික ප්‍රවෘත්ති සාකච්ඡාවේ දී එම සංවිධානයේ මහලෙක්ම් බැන්කි මූන් මහතාගේ සහකාර මාධ්‍ය ප්‍රකාශක ෆර්හාන් හක් මහතා කියා සිටියේ නීල් බූනේ මහතා සුපුරුදු පරිදි ශ්‍රී ලංකාව තුළ ජගත් සංවිධානයේ කටයුතු සම්බන්ධීකරණය කිරීමේ කාර්යයේ නියැලෙනු ඇති බවයි.
කැනඩාවේ සිටින ශ්‍රී ලාංකිකයෙක් බැංගලෝරයේ ක්‍රෙඩෙට් කාඩ් සොරකමේ (අද දෙරණ කියයි)
කැනඩාවේ වෙසෙන ශ්‍රී ලාංකිකයෙකු විසින් ඉන්දියාවේ බැංගලෝර්හි සිදුකෙරුනු ක්‍රෙඩිට් කාඩ් වංචාවක් මෙහෙයවා ඇති බවට විදෙස් මාධ්‍ය උපුටා දක්වයි. මේ අනුව ජාතික හා ජාත්‍යන්තර බැංකු වලින් ව්‍යාජ ක්‍රෙඩෙට් කාඩ් 205 ක් භාවිතා කරමින් ගනුදෙනු කරන ලද පුද්ගලයින් දෙදෙනෙකු අත්අඩංගුවට ගත් බව එරට පොලිස් ආරංචි මාර්ග සඳහන් කරයි.
එප්පාවල මිනිස් ඝාතනයේ සැකකරු දැලේ (අද දෙරණ කියයි)
එප්පාවල සිව් මිනිස් ඝාතනයේ සැකකරු අත්අඩංගුවට ගෙන තිබේ. පිට‍කොටුව, ලේකම් මාවතේ දුම්රිය පොළ ඉදිරිපිට මගී පාලම අසලදී ඊයේ රාත්‍රීයේ මෙම සැකකරු අත්අඩංගුවට ගෙන ඇත.
ශ්‍රී ලාංකික දෙමළ ජනයා වෙනුවෙන් ඉන්දීය අගමැති මැදිහත්වෙයි (අද දෙරණ කියයි)
ශ්‍රී ලංකාවේ දෙමළ ජනතාවගේ ගැටලු සඳහා විසඳුම් සෙවීම පිළිබඳ ඉන්දීය අගමැති ආචාර්ය මන්මෝහන් සිං, තමිල්නාඩු මහ ඇමති එම්.කරුණානිධිගෙන් උපදෙස් අපේක්ෂා කර තිබේ.
ඉන්දීය අගමැතිවරයා ලිපියක් යොමු කරමින් කරුණානිධි මහ ඇමතිවරයාගෙන් ඉල්ලා ඇත්තේ ශ්‍රී ලංකාවේ දෙමළ ජාතීන්ගේ ගැටලුව විසඳීමට නම් ඒ පිළිබඳ එකඟතා ගිවිසුමකට එළඹිය යුතු බවයි.
Subscribe to:
Posts (Atom)